WHY NAKED?
"Love the skin you are in"
Naked Therapy не започна во лабораторија, ниту како “совршен” бизнис план. Започна во кујна, со неколку природни состојки, многу истражување и една лична желба конечно да направам нешто што навистина ќе и годи на мојата кожа.
Долго време и самата се борев со проблематична и чувствителна кожа. Пробав различни производи што ветуваа совршена кожа — но ретко што навистина и одговараше на мојата кожа.
Токму затоа започнав да истражувам поедноставна и понежна нега. Нега што нема да ја прикрива кожата, туку вистински ќе се грижи за неа. Затоа овде ќе најдеш производи рачно изработени во мали серии, со внимателно одбрани путери, масла и состојки што кожата навистина ќе ги сака.
И да — секој производ што ќе го видиш тука поминал низ моите раце. Од рецептите и тестирањето, до етикетите, пакувањето и малите детали што ги добиваш со секоја нарачка.
Но со време сфатив дека Naked Therapy никогаш не беше само бренд за нега на кожата.
Она што започна во кујна за да ја подобри кожата… прерасна во мал потсетник дека треба да си понежна кон себе, да ја сакаш кожата во која си и да не чувствуваш потреба да се криеш зад “совршенство”.
За љубов кон себе, прифаќање и она да се чувствуваш добро во својата кожа — токму таква каква што е.
Вистинската кожа има текстура. Има лузни, црвенило, стрии, пори и приказни. И знаеш што? Тоа е сосема во ред.
Со мене и моите производи, нема само да добиеш мека, сјајна и здрава кожа — туку и ритуали и моменти за себе што ќе ги обожаваш.
Добредојде во Naked Therapy.
Мило ми е што си тука.
